Posts in category: novosti

Заедно со главните стратешки партнери Пивара Скопје и Пакомак, Мен енд Маунтен оваа година по​ четврти пат ја организираше GENERALKA WEEKEND, најголемата еколошка акција во Македонија и на Западен Балкан, во која беа собрани рекордни над 300 тони отпад.

„Нашите партнери од приватниот сектор, поддржувачите во општините и институциите, училиштата, градинките, невладините организации, спортските и пензионерските клубови, месните и урбани заедници, националните паркови, специјалците и многу други организации со здружени сили и со неспоредлив чин на национална солидарност и пријателство над сите етнички и политички границипридонесоа во GENERALKA WEEKEND! Над 18.099 волонтери собраа 301,504 кг отпад на повеќе од 400 локации за време на GENERALKA WEEKEND помеѓу 15-19 мај 2024 година!“ велат Гордана Софија и Ханес Јекл од Мен енд Маунтен.

„Како еден од партнерите на ГЕНЕРАЛКА ВИКЕНД 2024, сме исклучително горди на постигнатите резултати. Успехот на оваа еколошка акција е доказ дека кога сме обединети, можеме да направиме значајни промени за нашата околина и за идните генерации. Собирањето на над 300 тони отпад од страна на повеќе од 18.000 волонтери е импресивен подвиг и инспирација за сите нас да продолжиме со заложбите за чиста и здрава животна средина. Оваа акција е само дел од нашите континуирани напори за зачувување на природата, подигање на еколошката свест и подобрување на квалитетот на животот во нашето општество. Веруваме дека со вложување во вакви проекти, придонесуваме кон создавање на почиста и поодржлива иднина за сите.“ – изјави Кристина Крстева, Заменик управител за одржлив развој на рудниците Бучим и Боров Дол

Официјалните резултати на GENERALKA WEEKEND 2024 се:

•  Вкупен број на волонтери: 18.099

Собран отпад по категории:

• Пластика: 9.893 кг
• Хартија: 11.063 кг
• Стакло: 1.562 кг
• Мешан отпад: 95.017 кг
• Електронски отпад: 2.720 кг
• Кабаст отпад: 5.188 кг
• Друг вид отпад: 176.061 кг

Вкупно собран отпад: 301,504 кг

Врз основа на меморандумот меѓу Министерството за земјоделство, шумарство и водостопанство, Национални шуми и Мен енд Маунтен, Владата на нашата земја ќе посвети по 1 дрво на секои 10 килограми на собраниот отпад за време на GENERALKA WEEKEND во рамки на нивните годишни планови за пошумување се до 2031 година. До денес се пошумени повеќе од 100.000 дрвја благодарение на заложбата на народот на Македонија.

Реализацијата на GENERALKA WEEKEND се должи и благодарение на поддршката од Министерството за животна средина и просторно планирање, Министерството за одбрана и Министерството за внатрешни работи, кои придонесуваат во оваа акција уште од 2021 година. 

Како и во последните години, Шпаркасе Банка и Нула Отпад се официјални партнери на акцијата, а годинава им се придружија и Макстил, Бучим Боров Дол, ЕВН, Бимилк и Костал. И повторно како и досега Црвен крст се погрижи за безбедноста на сите учесници на GENERALKA WEEKEND 24.

По повод Светскиот ден на бегалците 20ти јуни, рудникот Бучим и НУ Завод за заштита на спомениците на културата и музеј од Штип иницираа јавен дијалог за потребите и предизвиците на младите кои се наоѓаат во тешки животни околности.

Како дел од својата програма за поддршка на заедницата, Бучим дава приоритет на проекти насочени кон образованието, развојот на кариерата и благосостојбата на децата и младите. Овие иницијативи вклучуваат активности за кариерно менторство и образование на млади луѓе во околните заедници, поддршка за образовни и спортски проекти, како и хуманитарни акции со дистрибуција на пакети со храна до семејствата на кои им е потребно.

Во уметничката галерија „Безистен“ во Штип, свечено беше отворена  изложбата  „Книгата на хуманоста“, чија цел е да ги истакне предизвиците и социјалните потреби со кои се соочуваат младите кои живеат низ тешки животни ситуации. Уметничките дела се создадени од млади уметници од Македонија, Украина, Италија, Франција, Грција, Уругвај и Чиле, кои преку своите дела  ја раскажуваат приказната за животот и длабочините на човечкото срце, споделувајќи ги своите уникатни перспективи и креативни изрази.

Научните истражувања покажуваат дека децата во предизвикувачки животни околности не можат да напредуваат додека не почувствуваат дека припаѓаат и се дел од социјална група. За да ги едуцираат заедниците како да им помогнат на овие млади да се интегрираат, млади уметници на возраст од 11-17 години од целиот свет волонтираа со своите уметнички дела кои ги истакнуваат аспектите на животот и длабочините на човечкото срце. За да се создаде „Книгата на хуманоста“, младите уметници беа повикани да истражат што значи да се биде човек. Нивните уметнички дела го пренесуваат светското културно богатство и вредностите на љубовта, добрината и пријателството преку слики, цртежи, скици, филмови, фотографии и колажи.

„Книгата на хуманоста “ е дел од Глобалната галерија Ready2Print, иновативен концепт што му овозможува на секого да го привлече вниманието на актуелната хуманитарна криза со печатење одбрани уметнички дела и организирање на хуманитарна изложба во свој простор.

Проектот е куриран од Петра Зубласинг, италијанска олимписка спортистка и професионален илустратор и член на #creativefellowship која работи во издаваштво и рекламирање. Претходните изложби под нејзино кураторство вклучуваат:

2021: Музејот на среќата, галерија СААС, Лондон

2023: Биди свој херој, центар на заедницата Апијано, регионот Болзано, Италија

2023: Биди свој херој, Театар студио Молиер, Виена, Австрија

Овој проект е овозможен благодарение на: Бучим (Македонија), НУ Завод за заштита на спомениците на културата (Македонија), Фондација Creative Fellowship s.r.o. (Словачка), Монте Јазично училиште (Бразил), Attitude Studios Виена (Австрија), Le Salley Dialogue School (Франција), PROSPECTIS SAS (Франција) и Dot Shot Creative Agency (Словачка).

Студентите од источниот регион добија уникатна можност да се запознаат со можностите во рударската индустрија благодарение на учеството на рудниците за бакар Бучим и Боров Дол на првиот Отворен и кариерен ден во организација на УГД.  Ова значаен чекор кон зајакнувањето на врските помеѓу рударскиот сектор и следната генерација професионалци, поттикнувајќи одржливи и етички практики.

Денот на отворени врати и кариерен развој, кој се одржа на УГД – Штип, обезбеди непроценлива платформа за директен ангажман помеѓу рударската заедница и студентите кои се заинтересирани за кариера во оваа динамична индустрија. Како дел од својатa заложба за поттикнување на професионалниот развој, Бучим и Боров Дол ги промовираа различните можности за кариера достапни во рамките на нивните операции, кои ги опфаќаат териториите на Штип, Радовиш и Конче.

Александр Раков, Управител на рудниците Бучим и Боров Дол, го изрази својот ентузијазам за настанот, велејќи: „Учеството на Денот на отворени врати и кариера на УГД – Штип ја нагласува нашата посветеност кон поддршка на локалниот талент и промовирање на рударската професија. Насочени сме кон овозможување на развој и образование за младите професионалци, обезбедувајќи им можности за кариерен раст и напредок во нивната татковина.“

За време на настанот, студентите имаа можност директно да комуницираат со претставници од Бучим и Боров Дол, добивајќи увид во различните улоги и одговорности во рударскиот сектор. 

Мирослав Петров, раководител на секторот за човечки ресурси во Бучим и Боров Дол, ја истакна важноста на образованието и практичната обука во обликувањето на идните рударски кадри. “Преку интерактивни презентации и практични обуки, нашата цел е ги запознаеме студентите за можностите кои се достапни во нашите рудници. Преку поттикнување на културата на учење и иновации, имаме намера да развиваме квалитетен кадар кои ќе ја формираат и обликуваат иднината на рударската индустрија.“

Бучим и Боров Дол остануваат цврсти во својата посветеност на одржливост, развој на заедницата и одговорно управување со ресурсите. Настаните како Денот на отворени врати и кариерен развој служат како катализатори за соработка и размена на знаење, поставувајќи ја основата за енергична и одржлива иднина во рударската индустрија.

Рудниците Боров Дол и Бучим ја покажаа својата посветеност за зачувувањето на животната средина со тоа што вложија максимални напори за чистење на брегот на езерото Мантово. Како дел од еко-иницијативата ГЕНЕРАЛКА ВИКЕНД повеќе од 40 волонтери, од редовите на вработените во Боров Дол и Бучим, го посветија своето слободно време да ја вратат недопрената убавина на ова витално природно богатство во општина Конче.

Чистењето, кое го одбележа вториот ден од еко-акција во рамките на Генералка викенд’24, имаше ентузијастичко учество како од вработените, така и од раководството. Заедничките напори резултираа со темелно чистење на целото крајбрежје на езерото Мантово, што ја нагласи непоколебливата посветеност на рудниците Боров Дол и Бучим за поттикнување на почиста и поздрава животна средина за заедниците Радовиш и Конче.

Ивица Карапетров, заменик генерален директор на Бучим и Боров Дол, ја изрази својата благодарност за колективниот потфат, велејќи: „Денешната иницијатива е пример за нашата цврста верба во важноста на управувањето со животната средина. Со мобилизирање на нашите ресурси и работна сила, ние не само што го исчистивме крајбрежјето на езеро Мантово но, исто така, ја покажавме нашата непоколеблива посветеност кон создавање одржлива иднина за сегашните и генерациите што доаѓаат“.

Како официјални партнери на ГЕНЕРАЛКА ВИКЕНД, од раководството ветуваат дека ќе продолжат со организирање и учество во слични еко-акции кои имаат за цел да ја подигнат свеста кај населението и да ја заштитат животната средина. Рудниците Бучим и Боров Дол, посветени на одржливи практики и ангажман на заедницата, имаат за цел да инспирираат позитивни промени и да всадат чувство на одговорност за животната средина во заедницата.

Вработените во Бучим и Боров Дол денеска зедоа учество во најголемата еколошка акција во историјата на нашата земја GENERALKA WEEKEND 24.   

Како официјални партнери на ГЕНЕРАЛКА ВИКЕНД, рудниците Бучим и Боров Дол ги здружија силите со општина Радовиш и ја  покажаа својата посветеност за зачувување на животната средина.

„ГЕНЕРАЛКА ВИКЕНД 24 им даде можност на нашите вработени активно да придонесат за подобрување на нашата заедница и животната средина“, рече Алексндр Раков, Управител на  рудниците Бучим и Боров Дол. „Горди сме што сме дел од ваков значаен настан и остануваме посветени на поттикнување на позитивни промени во корист на сегашните и идните генерации”.

Акцијата за чистење во општина Радовиш не само што ја демонстрираат посветеноста на рудниците Бучим и Боров Дол за зачувување на животната средина, туку исто така ја нагласуваат важноста од заедничко дејствување во справувањето со еколошките предизвици. Со фокус на управувањето со животната средина, општествената одговорност и корпоративното управување, рудниците се стремат да направат позитивно влијание во заедниците во кои работат. 

Продолжувајќи со напорите за заштита на животната средина, волонтери од локалната заедница во Конче, на кои ќе им придружат работниците од Боров Дол и Бучим, во недела на 19-ти мај ќе спроведат еко-акција за чистење на околината кај езерото Мантово, Општина Конче.

Рудниците Бучим и Боров Дол со гордост го објавуваат учеството на своите вработени на Супериор Ранс маратонот кој што се одржа во Штип втора година по ред. Како еден од спонзорите на овој спортски настан, рудниците ја потврдуваат својата посветеност кон промовирање на здрави животни навики и тимско работење, усогласувајќи се тесно со вредностите од концептотот ЕСГ: Е- заштита на животната средина, С – општествена одговорност и Г- совесно корпоративно управување.

Учеството на 30-те вработени од рудниците Бучим и Боров Дол на Супериор Ранс ја нагласи нивната посветеност кон промовирање на здравјето и благосостојбата во заедницата. Женскиот тим од рудниците покажа исклучителен пласман, обезбедувајќи го 19-тото место, додека машкиот тим постигна пофално 23-то место, истакнувајќи го успехот на нивните колективни напори и посветеноста за активен живот и спортување.

Александр Раков, генерален директор на рудниците Бучим и Боров Дол, го изрази своето воодушевување од учеството на вработените, велејќи: „Во рудниците Бучим и Боров Дол негуваме култура на здравје и благосостојба меѓу нашите вработени. Ентузијастичко учество на нашите вработени на маратонот не само што ја одразува нивната лична посветеност кон тимска работа, туку и се усогласува со нашите пошироки корпоративни вредности за промовирање здрав и активен животен стил“.

Со поддршка на Супериор Ранс маратонот, се нагласува посветеноста на рудниците Бучим и Боров Дол за поддршка на иницијативи кои промовираат здравје и благосостојба преку активно спортување, како во компаниите, така и во пошироката заедница.

Четириесет посветени волонтери, вработени во рудниците Боров Дол и Бучим за Денот на пролетта засадија 1.500 садници, пошумувајќи површина од приближно 9.000 квадратни метри околу рудникот Боров Дол. Оваа иницијатива е дел од стратегија за животна средина на рудникот Боров Дол, преку која со активно вклучување на вработените во акциите за пошумување, компанијата поттикнува култура на поздрава животна средина и ангажман за развојот на  заедницата.

Александар Раков, управител на рудниците Боров Дол и Бучим, ја истакна важноста од тековните еко-акции, велејќи: “Во Боров Дол и Бучим, еколошката одговорност и принципите на ЕСГ вредностите се длабоко вградени во нашето работење. Оваа иницијатива за садење дрвја е дел од нашите континуирани напори за позитивно влијание врз животната средина и заедницата. Планираме уште една акција за садење дрвја наесен.  Нашата цел е да создадеме одржлива и просперитетна иднина”.

Марина Санева, инженер за животна средина во Боров Дол: „Пошумувањето е од витално значење за одржување на еколошката рамнотежа и подобрување на биолошката разновидност. Оваа акција е јасна демонстрација на нашата посветеност за одржлив развој и нашиот проактивен пристап кон грижата за животната средина. “

Еко-акциите на рудниците се дел од годишна агенда, одразувајќи ја посветеноста за минимизирање на влијанието врз животната средина, вклученоста вработените во иницијативите на компанијата и одговорното работење. Овие иницијативи не само што го зачувуваат биодиверзитетот и ги обновуваат природните живеалишта, туку и ја подигнуваат свеста за грижата за животната средина, како кај вработените, така и кај локалните заедници.

КРЕАТИВЕН ПРЕДИВИК: КАЖЕТЕ им на вонземјаните ШТО НЕ ПРАВИ ЛУЃЕ?

Истражете ја богатата таписерија на животот и „длабочините на човечкото срце“ создавајќи одлични уметнички дела за книгата на човештвото.

КНИГАТА НА ХУМАНОСТА

Хуманоста е особина да се биде љубезен, внимателен и сочувствителен кон другите.

Хуманоста е нешто што не можете да го научите насилно, таа доаѓа од внатре. Концептот на љубов и грижа за другите луѓе е прашање на емоции и чувства. Кога можеме да ја изразиме нашата хуманост преку љубов, добрина и позитивна интеракција со другите луѓе, стануваме посреќни, поздрави и подобри луѓе.

КРЕАТИВЕН  ВОВЕД

Замислете дека сте член на екипажот на вселенски брод кој штотуку извршил итно слетување на непозната планета. На вашиот вселенски брод му требаат некои поправки, а на вашата екипа и треба засолниште, вода и храна. Група локални жители ви приоѓаат со љубопитност и претпазливост. Вашите членови на екипажот доаѓаат од сите можни етнички потекла, земји и верувања. Заедно верувате дека сите луѓе се дел од поголем универзум и можат да сплотат и заеднички едни со други да живеат  како дел од една раса – човечката раса. За да ја објасните причината за вашето пристигнување и да побарате помош, треба давоспоставите комуникација со локалните жители. Вашиот единствен начин на комуникација со домаќините е визуелизација: цртање, скицирање, снимање, фотографирање, колажирање, дигитални слики итн.

Ајде да создадеме заедно книга за човештвото што можете да им ја претставите на вашите нови вонземски пријатели!

Изберете една тема и кажете им на вонземјаните преку вашите уметнички дела какви традиции, свети места, историски знаменитости или културни обележја имате во вашиот регион поврзани со следните теми:

Љубов

Еден од даровите на човечките суштества е нашата способност да сакаме. Ги сакаме нашите семејства. Ги сакаме нашите пријатели. Ја сакаме нашата заедница, нашата нација и нашиот свет. Како ја славите љубовта во вашата култура? Како ги прославувате браковите? Дали има некои посебни костими, украси за домот, ора или храна што е конкретно поврзана со свадбените прослави?

Дали имате свети места каде што можете да одите за да оставите мали знаци на љубовта како обоени ленти, потпишани катанци, посебен вид на цвеќе…

Дали во басните од вашиот регион имате некое самовилско суштество или вештерка што може да помогне да се маѓепса предмет на восхит или напротив да ослободи некого од љубовта?

Љубезност

Љубезноста е она што не прави луѓе и ја дефинира нашата хуманост. Љубезноста вклучува правење добри дела за да им се помогне на другите луѓе. Љубезноста како сила нè прави дарежливи и сочувствителни кон другите. 

Како избирате да покажете љубезност?

Дали некој ви направил нешто добро?

Кога размислувате за тоа што значи за вас љубезноста, кои зборови или постапки ви паѓаат на ум?

Како се чувствувате кога некој е љубезен кон вас?

Каква боја е ова чувство?

Социјална интелигенција

Социјалната интелигенција е способност на една личност да ги разбере и управува односите со другите луѓе. За да бидеме социјално интелигентни, треба да бидеме свесни за нашите сопствени мотиви и емоции, како и да знаеме за чувствата и желбите на другите. Социјалната интелигенција ја зголемува нашата човечност. 

Во вашата култура кои традиции, ритуали или емоции се поврзани со свадби, погреби, раѓања, победи или загуби? 

Кои традиционални игри се играат за време на празниците во вашата култура? Што значи да се биде пријател? Како ги поздравувате вашите пријатели? Дали се ракувате, се гушкате, се поклонувате или се бакнувате во образ?

Технички барања:

Сликарство, фотографија, илустрација/цртеж, дигитална слика

Прифатени се и дигитални цртежи (мин. резолуција од 300 dpi). 

A4 29,7 x 21,0 cm 3508 x 2480 пиксели

A3 42,0 x 29,7 cm 4961 x 3508 пиксели

УСЛОВИ ЗА ПРИЈАВУВАЊЕ

За да се квалификуваат, учесниците треба да бидат на возраст од 11 до 18 години. Испратете ги вашите уметнички дела до 22 март 2024 година на е-адреса art@creativefellowship.org

Уметноста треба да ја промовира визијата на креаторите за тоа што го прави човекот човек и да ги следи креативните кратки упатства. Секој поднесок го разгледува персоналот за да се увери дека е соодветно и не промовира омраза, расизам, сексизам или насилство.

Ќе бидат избрани 40 уметници кои ќе учествуваат на хуманитарната изложба на тема „КНИГАТА НА ХУМАНОСТА“. 14 најдобри дела ќе бидат избрани со онлајн гласање и ќе бидат вклучени во Календарот за добротворни уметнички дела за 2025 година.

Секој учесник на изложбата ќе добие отпечатен календар за 2025 година со објавување на 14-те најдобри дела, избрани при отвореното онлајн гласање на профилот на Instagram @creative.fellowship.

Апликациите се прифаќаат до 22 март 2024 година.

Јавно онлајн гласање:

22 март – 29 март, 2024 

1 јуни 2023 година – објавување на победниците и промоција на онлајн изложба

Добротворна изложба 15 јули – 3 август, 2024

Партнери: Монте Јазично училиште (Бразил), Атитуде Студиос Виена (Австрија), Побужски Фероникел (Украина), Општина Радовиш (С.Македонија), Дијалог училиште Ле Сали (Франција), Театар Студио Молиер (Австрија)

Според Афшан Кан, регионален директор на УНИЦЕФ за Европа и Централна Азија,

речиси две третини од украинските деца се раселени внатре или преку граница како бегалци. Децата бегалци, раселени и мигранти често страдаат од „повредена самодоверба и намалена културна гордост“. Веруваме дека преку уметничките проекти Creative Fellowship и нашите соработници можеме да ја подигнеме свеста за актуелната хуманитарна криза и дадеме морална поддршка за децата и младите во ризик. Со вклучување на децата и младите во уметничкиот предизвик КНИГА НА ХУМАНОСТА на меѓународно ниво, ние би сакале да промовираме храброст и инспирација, да промовираме нови познанства и да инспирираме желба за подобар живот меѓу оние кои треба да бидат поддржани.

Изложбата Ready-to-Print може да биде отпечатена од која било институција (училиште, студио за танц, театар или дури и фризерски салон!) насекаде во светот за да се покаже солидарност со младите луѓе кои живеат живот во предизвикувачки ситуации.

*ВО ПОДДРШКА НА РАСЕЛЕНИ ДЕЦА

Рудникот Бучим се приклучи на иницијативата „Донирај компјутер“, демонстрирајќи ја својата посветеност на принципите на животната средина, социјалното и корпоративното управување (ESG) со донација од 250 парчиња на ИТ опрема.

Хуманитарната акција на „Донирај компјутер“, се фокусира на собирање на половни компјутери и опрема, нивно обновување и дистрибуирање до граѓаните од ранливите категории. Покрај помагањето на социјално загрозените поединци, организацијата укажува поддршка и на образовните институции. До денес, тие имаат позитивно влијание на над 2.500 поединци и 30 училишта низ целата земја. Покрај ова, во поправањето на донираната опрема активно учествуваат и ученици од средните училишта, со што на младите им се нуди можност за стекнување на практични вештини. 

Ивица Карапетров, заменик управител на рудниците Бучим и Боров Дол, ја изрази посветеноста на компанијата за оваа социо-хуманитарна кауза, изјавувајќи: „Нашето учество во иницијативата на „Донирај компјутер“ ја претставува нашата посветеност за искористување на технологијата за општествено добро, промовирање на дигиталната писменост и поттикнување на инклузивен раст во заедниците на кои им служиме. Донација од околу 250 парчиња ИТ опрема, вклучувајќи компјутерски куќишта, монитори, лаптопи, тастатури, печатачи, скенери, рутери за WIFI и многу повеќе, е опиплива манифестација на нашата посветеност на поддршката на иницијативата на Донирај компјутер на дигитална инклузија за децата во Македонија“.

„Донирај компјутер“ е непрофитна, невладина организација која се труди секое семејство во Македонија да има пристап до барем еден компјутер. Препознавајќи ја суштинската улога на компјутерите во учењето, организацијата поправа и донира искористена, но оперативна компјутерска опрема, со примарен фокус на поддршка на децата од социјално ранливи средини.

Преку овој придонес, Бучим се надева дека ќе придонесе кон исплнување на пошироката цел на „Донирај компјутер“ да го премости дигиталниот јаз во Македонија. Иницијативата се стреми да ги зајакне децата обезбедувајќи им ги потребните алатки за учење, нагласувајќи дека компјутерот не е луксуз, туку клучен образовен ресурс.

Како продолжение на многугодишната божиќна традиција, Бучим и годинава ги посвети празничните  денови на дарување према социјално ранливите жители од локалната заедница. 

Во првите денови од 2024 година, Бучим реализираше соработка за хуманитарни цели со Општина Радовиш и Црвен крст на Република Северна Македонија -Општинска организација Радовиш. Оваа  хуманитарна акција поттикната од рудникот се спроведува веќе четврта година е со цел да им се помогне на граѓаните за време на божиќните празниците. Бучим како општествено  одговорна компанија се труди да им ја збогати трпезата на граѓаните од социјално ранливата категорија, со тоа што донираше на 100 смејства пакети со прехранбени продукти и намирници за подготвување на храна. Пакетите беа распределени од страна на претставници на Општина Радовиш,  Црвен крст Општинска организација Радовиш и претставници на Бучим и Боров Дол, до оние семејства на кои им се најпотребни.

”Ова традиционална акција е израз на нашата грижа кон заедницата. По повод на Божиќните празници го посетивме семејствата од социјален ризик и  им доделивме пакети со прехранбени производи за да можат да го прослават празникот со полна трпеза. Рудникот Бучим и понатаму ќе продолжи да ги помага оние семејства на кои им е навистина потребна помош.” изјави Александр Раков, управител на Бучим и Боров Дол.