Posts in category: novosti

ДПТУ Боров Дол ДООЕЛ Радовиш е посветен на промовирање на еколошки издржан и одржлив развој во своите оперативни процеси и активности за соработка. Во рамките на своите надлежности и согласно програмата на активности од областа на заштита на животната средина, рудникот изврши пошумување на територија на концесискиот простор.

Во соработка со ЈП “Национални шуми”  подружница “Плачковица” –  Радовиш, рудникот за бакар Боров Дол, во првата година од оперативното работење, спроведе акција за пошумување на голината на пределот кај браната во близина на пречистителната станица  за технолошки води. На површина од 817 м2 се засадија 500 броја саден материјал, од кои 200 садници од црн бор и 300 од багрем. Стручниот тим на ЈП “Национални шуми” подружница “Плачковица” – Радовиш направи избор на садниците за пошумување и зеде учество во пошумувањето, особено во делот на подготовка на теренот и давање на стручна помош при самото пошумување, со цел добивање на позитивни резултати.

Озеленувањето на овој предел,  освен што ќе придонесе за зачувување на биодиверзитетот, ќе придонесе за ублажување на ерозивните процеси, како и спречување на понатамошно појавување на поројници во сливното подрачје на Пенлив Дол и река Крива Лакавица и водената ерозија, која што е особено изразена во дождовните периоди.

“Разумно искористување на природните ресурси и правилно стопанисување – тоа е нашето мото. Нашите активности ги спроведуваме низ проактивно учество и постојана комуникација во врска со животната средина со сите соработници, институции и граѓански здруженија. Во нашите оперативни планови се вклучени сите превентивни мерки и активности кои обезбедуваат заштита и унапредување на животната средина. Ова е продолжување на континуитетот на исполнување на нашата обврска и грижа за животната средина. Со спроведувањето на програмата за пошумување ќе ги зазелениме голините, со што ќе се допринесе за подобрување на екосистемот, како и за намалување или сопирање на ерозивните процеси,” – изјави Павло Кривинскиј, генерален директор на Боров Дол.

Во периодот кој следи, во соработка со ЈП “Национални шуми”, Општина Радовиш и граѓански здруженија, ќе се пошумуваат и други локации во непосредна близина на рудникот,  со цел обновување на опожарените зелени површини во с.Дамјан, Радовиш кои што беа зафатени од неодамнешниот шумски пожар.

ДПТУ Боров Дол ДООЕЛ Радовиш, во соработка со Здружението на граѓани Младите Можат – Youth Can и германската фондација Schuler Helfen Leben, ја поддржа глобалната иницијатива Solidarity Action Day- Social Day која што за прв пат годинава се одржа во Северна Македонија. 

Вкупно 26 средношколци имаа можност еден ден да бидат дел од тимот на Боров Дол и да ја искусат работната динамика во рудникот, со тоа што ги извршуваа работните задачи и должности на геолог, инженер еколог, раководител на служба за финансии и сметководство, референт за сметководство, раководител на сектор за човечки ресурси, главен енергетик, раководител на комерција, оператор во диспичерски центар, инженер за безбедност и здравје при работа, раководител на производствено техничко одделение, главен машински инженер, секретар и архивар. 

Средношколците од СОУ Гимназија “Славчо Стојменски” – Штип и од СОУ “Коста Сусинов” во Радовиш, освен што имаа можност да научат нешто повеќе за задачите и одговорностите при работењето, имаа можност и да ги разгледаат потенцијалните области за вработување и насоки за понатамошно образование. Еднодневниот работен ангажман на средношколците им овозможи одблиску да  се запознаат со работна позиција која посакуваат да ја работат во иднина, да научат нешто повеќе за одбраната струка, да стекнат искуство на работно место во реални услови, да ги поврзат стекнатите теоретски знаења со практични вештини, а воедно и да се здобијат со проширена можност за избор на занимања и согледување на можности за професионален и кариерен развој преку споделувањето на експертизи, знаења и искуства од страна на вработените во Боров Дол. Покрај извршувањето на работните обврски, учениците имаа можност за разглед на рудникот и да се запознаат со целокупниот работен процес во Боров Дол. 

“Отворени сме за соработки кои што допринесуваат кон поддржување и развој на младински иницијативи. Среќни сме што бевме дел од реализацијата на првиот Social Day во Република Северна Македонија , кој промовира солидарност и активизам помеѓу младите. Боров Дол  “вработи“  26 средношколци, кои имаа можност преку назначените ментори да се запознаат со работната динамика во рудникот. Се надеваме дека успеавме да ги прошириме хоризонтите на учениците во контекст на нивното идно професионално позиционирање и ги поттикнавме да започнат да размислуваат за својот професионален и кариерен развој. Особено ни е драго што дневницата којашто ја добија за работењето на овој ден ќе ја донираат во младински фонд кој има за цел да поддржи проекти на различни младински иницијативи,” – изјави Павло Кривинскиј, генерален директор на Боров Дол.

Social Day е ден во кој што средношколците заменуваат еден училиштен за работен ден, при што својата дневница учениците ja донираат во фонд за поддршка на реализирање на младински проекти. На овој ден, учениците добиваат можност да работат на работа по свој избор наместо да одат на училиште. Целта на Social Day е да се воспостави солидарност помеѓу младите во текот на нивните училишни денови, да инспирира активно граѓанство и одржлив општествен развој воден од млади луѓе. 

Општественото одговорно работење и концептот на општествена одговорност зазема значајно место во деловната култура на ДПТУ “Бучим” ДОО Радовиш, која што се базира на одговорно деловно однесување и овозможување на одржлив развој.

Во рамките на заложбата за подобрување на условите за поддршка на спортот, клубови и спортисти преку мерката спортски ваучери, рудникот Бучим додели финансиска поддршка во висина од 2,7 милиони денари на ракометниот клуб РК Радовиш, а по основ на други спонзорства и донации поддржани се борачкиот клуб „Бучим-Радовиш“ и други спортски клубови од Радовиш.

Континуираното вложување и обезбедување услови за квалитетни спортски можности од страна на рудникот Бучим, е согласно корпоративната општествена политика на компанијата која што се залага за вложување во општествено корисни проекти, активности и организации кои го подобруваат квалитетот на живеење на жителите на локалните заедници и го промовираат здравиот начин на живеење.

“Спортот е важен овозможувач на одржлив развој. Бучим го поддржува развојот на талентирани млади спортисти, клубови и спортски манифестации, преку спонзорства и донации, со цел да помогне во остварување на спортски успеси, за изградба на поздрави генерации, здрава иднина и спортска афирмација на Општина Радовиш,” – истакна Олег Чусовитин, генерален директор на Бучим.

Рудникот Боров Дол обезбеди превоз за 55 средношколци од општина Конче до училиштето во Радовиш, се до завршетокот на првото полугодие од школската година, односно до 31.12.2021 година.

Излегувајќи во пресрет на барањата на Општина Конче и решавањето на проблемот со кој што се соочува општината, родителите и ученците, затоа што нема организиран превоз на ученици, што е законска обврска на училиштата во кои што се запишани учениците, рудникот ќе продолжи да ги покрива трошоците за превоз на учениците во средно образование од Конче, од нивното место на живеење до средното училишите во Радовиш каде што учат и назад, со неделен распоред и организирана маршрута.

“Со почетокот на школската година во септември, бесплатниот школски превоз на учениците не им беше обезбеден, со што учениците можеа да останат без превоз и присуство на часовите, кое што е недопустливо. Како активен социјален партнер кој интензивно е вклучен во поддршката за развојот на заедницата, ние и понатаму ќе продолжиме со покривањето на трошоците за превозот на учениците, кој што сеуште не е решен. Образованието е важен сегмент за развојот на заедницата и на сите деца треба да им биде овозможено достапно и квалитетно образование,” – изјави Павло Кривинскиј, генерален директор на Боров Дол.

Корпоративната општествена одговорност на Боров Дол е во согласност со Десетте принципи на Глобалниот договор на Обединетите нации. Рудникот е посветен на делување во насока на поддршка на Целите за одржлив развој, како и на свој активен придонес кон нивното остварување. Ова подразбира пристап што ги надминува традиционалните сфаќања за грижа за основната дејност и законските обврски и насоченост кон соодветно дејствување. 

Радовиш, 22.10.2021 – Денеска, во 08:45 часот, во рудникот Бучим се случи дефект на капак на цевковод, кој што предизвика краткотрајно истекување на мала количина на флотациска јаловина во Тополничка река.

Стручните екипи на рудникот, веднаш реагираа за итно решавање на дефектот, при што истекувањето е запрено и состојбата е нормализирана. Дефектот е решен и во моментот исчистено е речното корито на реката во Тополница.

Дополнително, постапувајќи согласно одредбите од Законот за заштита на животната средина и од А-Интегрираната еколошка дозвола, за настаната ситуација известенo e Министерство за животна средина и просторно планирање и повикани се надлежните органи од Државниот инспекторат за животна средина (ДИЖС). Во тек е увид на лице место од страна на Државен инспектор за животна средина. 

Со цел запознавање на медиумите и пред се засегнатата јавност со работата, правата и обврските на ДПТУ Боров Дол ДООEЛ Радовиш Ве информираме дека на 18.10.2021, oд страна на надлежните органи од Државниот инспекторат за животна средина (ДИЖС) извршен е вонреден инспекциски надзор врз основа на поднесена пријава за протекување.

На посочените локации извршен е вонреден теренски увид, при што во присуство на надлежните органи земени се примероци од водата во површинскиот водотек Пенлив Дол за утврдување на фактичката состојба со присуство на загадувачки материи во водата, односно за проверка на потенцијалната контаминација  од работењето на рудникот Боров Дол. Мострите се доставени на лабораториски испитувања во акредитирани лаборатории,  а наодите од анализите ќе бидат благовремено доставени до надлежните органи и јавноста.

Во досегашното работење на рудникот Боров Дол не се случил еколошки инцидент. Работните активности на рудникот се одвиваат во согласност со утврдените норми и стандарди од системот за заштита на животната средина според А-Интегрирана еколошка дозвола, во која што се вклучени условите за работа, задолженијата, мерките и активностите кои што треба да земат предвид за заштита на животната средина. Рудникот континуирано врши мониторинг на влијанијата врз животната средина и во своето работење се однесува внимателно и одговорно, со цел за да се избегне и спречи загадувањето на животната средина.

ДПТУ Боров Дол ДООЕЛ Радовиш е одговорна компанија која што е отворена за соработка со сите надлежни институции на државно и локално ниво, како и за комуникација со претставниците на граѓанските здруженија и локалното население, а воедно им стои на располагање и на медиумите, за какво било појаснување или одговор во секое време.

На 13.10.2021 година во 11:43 часот, во рудникот за бакар “Бучим” ДОО Радовиш, во работната единица флотација се случи несреќен случај, при што две лица се починати.

Починатите лица се подизведувачи од Алпинистички клуб ПЛОЧА –  Радовиш, ангажирани за извршување работни задачи –  чистење на високо недостапни силоси.  На лице место на несреќата, медицинскиот персонал на Бучим веднаш ги презеде сите неопходни мерки за укажување на прва помош и лицата се упатени кон ЈЗУ Здравствен Дом – Радовиш и ЈЗУ Клиничка болница –  Штип, каде што е констатирана смрт.

Известени и повикани се на лице место сите надлежни органи што се бараат со закон во таков случај за извршување на увид. Службите за итни случаи и одговорните служби во моментов вршат истрага. Бучим целосно соработува во овој процес. Формирана е и комисја која врши проценка за причината за настанатиот несреќен случај во согласност со сите законски барања. Резултатите од истрагата ќе бидат дополнително соопштени, веднаш штом ќе бидат достапни наодите.

“Бучим” ДОО Радовиш искажува искрено и најдлабоко сочувство до семејствата на починатите лица. 

Рудникот Боров Дол е насочен кон подобрување на квалитетот на живот на населението од заедницата во која делува и преку своите активности се стреми да ги задоволи потребите на денешните и да обезбеди одржливост за идните генерации. Преку своето делување работи во насока кон исполнување на поставените цели за одржлив развој, со што особен акцент поставува на создавање на услови за развој на квалитетно образование.

За почетокот на новата учебна година, која што започна денес, на 1ви септември, рудникот донираше соодветна техничка опрема за успешно следење на наставната програма во ООУ „Гоце Делчев“ во Општина Конче. Следејќи ги глобалните развојни процеси во однос на унапредувања на образованието во согласност со потребите на наставната програма, денеска беа доставени четири интерактивни табли со кои што ќе се придонесе кон унапредување на образовниот процес. Интерактивните табли ќе овозможат поефективно спроведување на наставната програма преку нов и современ начин на одвивање на часовите, со тоа што наставниците на интерактивен ќе ја доближат наставната програма до учениците и ќе го заменат класичниот начин на предавање.Донацијата е во вредност од 128 илјади денари.  

“Современото општество бара современ систем на образование, кој некогаш зависи од можностите и капацитетите со наставни помагала во училиштата. Имајќи го во предвид значењето на образованието, нашето внимание го насочивме кон тоа да обезбедиме инклузивна и ефективна средина за сегашните и идните генерации на ученици. Со оваа донација создадовме услови за квалитетен воспитно-образовен процес во училиштето, овозможувајќи примена на современи методи на учење кои одговараат на барањата на современиот образовен процес.  ,” изјави Павло Кривинскиј, генерален директор на рудникот за бакар Боров Дол.

Рудниците Боров Дол и Бучим се залагаат за поддршка и унапредување на образованието во заедниците во кои што делуваат. Во нивното работење, постојано вложуваат и ги потпомагаат училиштата за унапредување на образовниот процес. Изминатата година,  во која што наставата се одвиваше онлајн, рудниците обезбедија таблетии достап до интернет за учениците и  компјутерска опрема за училиштата во Радовиш, Конче, с. Ораовица и с. Ињево, со  цел да се обезбеди непречено функционирање на образовниот систем во услови предизвикани од вирусот КОВИД-19.

Денеска, на големиот христијански празник Успение на Пресвета Богородица, која воедно е и заштитничка на рударите, рудниците за бакар Бучим и Боров Дол во Радовиш на пригоден начин го одбележаа празникот – Денот на рударите во Република Северна Македонија.

На денот во кој се чествува рударската професија, рудниците за бакар Бучим и Боров Дол на сите свои вработени им доделија парични награди, во чест за нивното залагање и нивната посветеност, а на најдобрите рудари, признанија и специјални парични награди за нивниот особен придонес помеѓу двата празника. 

Наградите ги доделија генералниот директор на рудникот Боров Дол, Павло Кривинскиј и  генералниот директор на рудникот Бучим, Олег Чусовитин, нагласувајќи ја важната улога која рударите ја имаат во нашето општество. 

“Секоја професија е почесна, но рударската професија заслужува посебна почит и признание. Без рударите немаше да имаме доволно електрична енергија или доволно греење, особено во денешно време кога овие работи се земаат здраво за готово, и никој не се прашува кој им го обезбедува сето тоа. Потребно е само да погледнеме околу себе и ќе сфатиме колку удобности од нашиот живот зависат од минералите извлечени од земјата. Рударите се причина што живееме лесно и удобно. Ви благодариме за сè што правите за нас! На сите наши вработени и колеги во рударската индустријата, им го честитам нашиот професионален празник Денот на рударите и им посакувам здравје, среќа и благосостојба. Нека е за многу години овој празник. Среќно!”, изјави Олег Чусовитин, генерален директор на Бучим.

Во своето обраќање пред присутните, генералниот директор на рудникот Боров Дол, Павло Кривинскиј,  рече: ”Би сакал прво накратко да се осврнам на инвестицијата која го продолжува животниот век на Бучим. Поради исцрпување на рудните резерви, наместо неизбежното целосно затварање на Бучим на почетокот на 2021 година е изграден и отворен Боров Дол, со што се задржаа работните места на вработените, се создадоа нови работни можности и се продолжи  традиција на рударство. За релативно краток период, успеавме да изградиме современ рудник, развиен во согласност според сите стандарди кои обезбедуваат одговорно и одржливо рударството.  Во изминатиов период сите заедно работевме неуморно и одговорно и не дозволивме рударството во овој крај да згасне. Сите вие ​​стоите зад овој наш успех.  Благодарност до сите вас, горди сме на она што заедно го постигнавме! Овој празник е повод да се гордееме со луѓето што ја претставуваат рударската индустрија.Д енот на рударите е симбол на сплотеноста, храброста и вложениот труд, затоа им се заблагодарувам на сите рудари за нивната неуморна посветеност и нивната работа. Длабок поклон!”.

Во чест на рударскиот празникот, покрај свеченото доделување на наградите, на општините Радовиш, Конче и Штип, на чија територија работат двата рудника, Бучим и Боров Дол доделија на секоја општина финансиски средства во висина од по 5.000 евра. Воедно, на големиот христијански празник  Успение на Пресвета Богородица, заштитничка на сите рудари и на сите луѓе и на сите жители на Република Северна Македонија, во знак на благодарност кон Богородица, заштитничката која што ги штити сите рудари, рудниците обезбедија  финансиски поддршка во висина од 4.000 евра, на Манастирот Света Богородица Пречиста во Кичево, за довршување на изградбата на започнатата манастирска чешма со покривање на кровот со бакар, со што на еден симболичен начин се поклонуваат пред заштитничката на рударите.

Официјалната свеченост се одржа во новоотворениот рудник за бакар Боров Дол, на отворено, со ограничен број на присутни, почитувајќи мерките и протоколите за заштита од Ковид-19. На манифестација, покрај рударите и почесните гости,  присуствуваа и градоначалниците на Општина Конче, Благој Илиев, на Општина Штип, Сашко Николов и на Општина Радовиш, Герасим Конзулов.

Од денес, селата Бучим и Тополница ќе се снабдуват со чиста вода за пиење. Рудниците Бучим и Боров Дол се погрижија за непрекинато снабдување со питка вода на населението во соседните села. 

На жителите им е овозможено достапност на исправна и чиста вода за пиење, со тоа што и во двете села се доставува питка вода од цистерна. Со овој чекор, се олесни потешкотијата на селаните коишто секојдневно патуваа до Радовиш, за да дојдат до чиста вода.  Снабдувањето на населението со питка вода и решавањето на недостигот на вода за пиење во селата Бучим и Тополница e приоритетен сегмент во програмата за одржлив развој на рудниците. Во таа насока, рудниците посветено делуваат за надминување на овој проблем, а во меѓувреме, обезбедена е секојдневна дистрибуција на питка вода до населението и на двете села. 

Започнати се истражувања за пронаоѓање на извори на вода, која што е погодна за пиење, за кои што рудникот Бучим одвои 50.000 евра и во скоро време Општина Радовиш ќе  може да започне со реализација на проектот за изградба на водоводна мрежа за снабдување со вода за населените места Бучим и Тополница. Со ова ќе биде решен проблемот со недостаток на вода за населението од овие села и сите домаќинства ќе имаат пристап до безбедна и достапна вода за пиење.  

“Работиме на решавање на проблемот на жителите на селата Бучим и Тополница, кои што немаат пристап до чиста и квалитетна вода за пиење. Деценискиот проблем на жителите на селата Тополница и Бучим, се предвидува во скоро време да биде перманентно решен, со тоа што ќе се постави водоводен систем и ќе имаат достап до здравствено исправна и чиста вода за пиење. Во тек се истражувања за пронаоѓање на питка вода и се обидуваме да го обезбедиме тоа на најдобар начин, за да можат соседните села да имаат стабилизирано снабдување со чиста вода,” додаде Олег Чусовитин, генерален директор на Бучим.