All posts by : Kristina

Како одговор на неодамнешната изјава на Канцеларијата за контрола на странски имоти при Департаментот за финансии на САД (OFAC – ККСИ) за воведените санкции насочени кон наводното руско учество во рударскиот сектор во Гватемала, во име на Солвеј Инвестмент Груп би сакале да го изјавиме следното:

Солвеј Инвестмент Груп („Солвеј“) швајцарска семејна компанија, вклучувајќи ги сите подружници, вработени, службеници и директори ја сфаќаат оваа одлука многу сериозно и веруваат во строго почитување на сите владини прописи и закони во своето деловно работење. Солвеј целосно соработува со Владата на САД преку својата американска адвокатска фирма Сејден Лоу Груп (Seiden Law Group LLP). Активно се истражуваат фактите и околностите кои довеле до наводното однесување на двајцата, сега веќе суспендирани вработени, према кои се насочени воведените санкции. Би сакале да напоменеме дека према Солвеј не се воведени санкции и притоа планираме транспарентно да го решиме ова прашање што е можно поскоро. Исто така, потенцираме дека санкционираниот субјект Мајаникел (Mayaniquel) не è и никогаш не бил дел од Солвеј Инвестмент Груп. 

Подружниците на Солвеј, рудникот за никел во Гватемала (CGN), фабриката за преработка на метал Пронико во Централна Америка, Гватемала (Pronico), не сè и никогаш не биле контролирани од споменатите санкционирани физички лица. Овие ентитети и Солвеј не се во сопственост, поврзани или во соработка со претставници на руската влада.  Лицата, кон кои се воведени санкции,  Дмитриј Кудрјаков и Ирина Литвињук кои долги години имаа раководни позиции во подружниците, веднаш се суспендирани од нивните работни позиции во очекување на исходот од истрагата од страна на надворешен правен бранител.

Нагласуваме дека Солвеј Инвестмент Груп не е предмет на неодамнешната одлука на Канцеларијата за контрола на странски имоти при Департаментот за финансии на САД (OFAC – ККСИ) за воведените санкции насочени кон руското учество во рударскиот сектор во Гватемала и не е субјект кој спаѓа во рамки на наложените санкции.

Повторуваме дека Солвеј не е руска компанија и нема никакви деловни односи со Русија. Уште на 3 март 2022 година, Солвеј јасно го искажа својот став против војната во Украина и најави повлекување од своите единствени два инвестициски и оперативни проекти во Русија кои претставуваат помалку од 10% од глобалните операции на Групацијата и легално го заврши овој процес. Ве молиме слободно контактирајте не за какви било изјави, коментари, прашања или појаснувања.

Линк до објавата на Солвеј Инвестмент Груп: https://solwaygroup.com/2022/11/18/in-response-to-the-recent-statement-by-the-us-department-of-the-treasury/

Радовиш, 21 октомври 2022 – Почнувајќи од 25.10.2022 (вторник) ДПТУ “Бучим” ДОО Радовиш и ДПТУ “Боров Дол” ДООЕЛ Радовиш повторно започнуваaт со работа, односно го рестартираат производствениот процес, со што работата на рудниците се враќа во целосна функција.  

По скоро двомесечна пауза, по поволната промена на пазарот на електрична енергија, рудниците се враќаат во редовен работен режим. Паралелно на ова, рудниците продолжуваат со реализирање на плановите за енергетска независност, односно продолжуваат со инвестициското вложување во обновливи извори на енергија, како и модернизација на погонот флотација во Бучим, проекти кои што се веќе во тек и треба да се завршат најдоцна до октомври 2023 година.

“Во изминатите десетина дена, видовме промена на цената на електричната енергија што ни овозможи повторно да ги започнеме производствените активностите со надеж дека тенденцијата ќе продолжи и цената на регионалната берза за електрична енергија (HUPEX)  ќе се стабилизира. Во текот на овие денови ќе бидат повикани на редовна работа сите вработени во рудниците, за подготовка и отпочнување на производството. Во меѓувреме, продолжуваме со реализација на веќе започнатите капитални инвестициски проекти и сме оптимисти во врска со динамиката со која се одвиваат работите,” – изјави Олег Чусовитин, генерален директор на Бучим.

Во рамки на денешната посета, раководството на рудниците, Дмитриј Кудрјаков и Олег Чусовитин управители на Бучим и заменик управителот на Боров Дол, Мануел Виана остварија средба со Делегација на Стопанската комора на Северна Македонија, предводена од претседателот Бранко Азески и со претседателот на Македонската асоцијација за рударство, Ивица Талевски.

За време на средбата се разговараше за тековната состојба поврзана со енергетската криза и проблемите со кои се соочуваат двата рудника. Раководството на рудниците  истакна дека доколку цената на електричната енергија биде под 250 евра за мегават час, рудниците се подготвени за десетина дена повторно да го рестартираат производството и да ги вратат на работа сите работници. Во спротивно рудниците нема да почнат со производство до октомври следната година, за кога и е предвидено да се завршат инвестициските проекти.

Претседателот на Комората Бранко Азески истакна дека двата рудника кои влегуваат во групата на 10-те најголеми потрошувачи на електрична енергија и се наоѓаат на слободниот пазар, се значајни за македонската економија. „Бучим и Боров Дол вработуваат вкупно 674 работници и се едни од најголемите работодавци во регионот кои придонесуваат за одржливиот економски и социјален развој на општини Конче, Штип и Радовиш.Само во последните три години инвестирале над 90 милиони евра. Во моментов се прави модернизација на производствениот процес во Бучим и изградба на фотонапонска централа за производство на електрична енергија, со што ќе се постигне намалување на зависноста од цената на електричната енергија на отворениот пазар. Разговаравме темелно за сите отворени прашања, кои што во оваа криза можат да обезбедат предвидливост и во рамките на Македонската асоцијација за рударство, со усогласени ставови и работејќи на политики кои што ќе го одржат овој сектор. Сите предлози ќе ги пренесеме до надлежното министерство и до Владата“, истакна Бранко Азески.

На состанокот од страна на раководството на рудниците беше споделена загриженоста од кризната состојба со енергијата, при што беше нагласено дека државата има податоци за загубите на рудниците, но и за добивките што ги носат Бучим и Боров Дол кон државниот буџет и кое е значењето на рудниците за граѓаните и за државата.

„Ние не се откажуваме, инвестираме во два капитални проекти. Направено е максимално намалување на трошоците. Специфичната потрошувачка на електрична енергија е намалена за 13%, но сепак не можеме да работиме профитабилно и покрај сите наши напори и без поддршка од владините институции нема да успееме. Покрај цената на струјата зголемени се и останатите трошоци. Неопходни се заеднички сили, со цел да опстанеме и да продолжиме да придонесуваме кон социјалниот и економскиот развој на регионот и државата”, изјави Олег Чусовитин, генерален директор на Бучим.

Повеќе детали за одржаната средба во видеото на линкот – https://www.youtube.com/watch?v=BxIKlDg2R_M

Согласно општествената политика и политиката за заштита на животната средина, рудникот Боров Дол како партнер на Општината Конче, на сопствена иницијатива започна со реализација на првата фаза од истражувањето на езерото Мантово, со цел подетално да се испита состојбата на квалитетот на водата во езерото, да се утврди причината за масовната појава на развиток на цијанобактерија или поточно сино-зелена алга Aphanizomenon klebahnii, како и да се препорачаат мерки за заштита на водите од загадување.  

Во текот на годината, во повеќе наврати извршени се теренски инспекциски надзори од страна на ДЖИС, при што констатирано е дека не постои истек на води од рудникот Боров Дол во езеро Мантово, како и прашина во воздухот од активностите на рудникот. Извршени се повеќе детални испитувања на примероци од почвата и водата од брана Мантово од страна на  акредитирани лаборатории, при што утврдено е дека нема надминување на граничните вредности. Притоа, во населба Мантово, покрај редовниот мониторинг на квалитетот на воздухот во околината на рудникот, дополнително од страна на акредитирана лабораторија на две мерни места во урбаната средина на населбата Мантово беше извршен и 24 часовен мониторинг во текот на еден месец на бучава, вибрации и квалитет на воздухот, при што исто така не беше забележано надминување на граничните вредности и загадување предизвикано од активностите на Боров Дол. Извештаите со податоците за сите спроведени испитувања се доставени како до надлежните институции, така и до Општина Конче, а воедно и презентирани пред претставници од граѓанскиот сектор.

Сепак, земајќи ја предвид состојбата на езерскиот екосистем Мантово и потребата од поддршка на Општина Конче во решавање на  главните тековни еколошки проблеми со кои истата се соочува, Боров Дол ангажираше стручни лица од Институтот за биологија на ПМФ, за да се извршат продлабочени анализи на водата и седимент од езерото Мантово и да се утврдат причините кои ја предизвикуваат појавата на алгите во езерото. 

Во првата фаза од истражувањето, согласно европските еколошки стандарди и најдобри достапни практики,извршен е детален увид на теренот, земени  се примероци од води и седимент од 5 различни локации од дното на езерото и изработен е план за понатамошни теренски активности. Втората фаза од мониторингот на акумулацијата Мантово ќе се спроведе во пролетниот период од 2023 година, со крајна цел да се генерираат податоци од различни временски услови и да се добијат исцрпни резултати од истражувачките активност, кои значително ќе придонесат во изведувањето на завршните заклучоци.

Боров Дол, како општествена одговорна компанија ќе продолжи со поддршка за подобрување на животната средина и понатамошен социјален и економски развој на Општина Конче.

Радовиш, 28 август 2022 – Во пресрет на професионалниот празник на рударите како и големиот православен празник Успение на Пресвета Богородица, заштитничка на рударите, рудниците за бакар Бучим и Боров Дол на своите вработени и на сите колеги во рударската индустрија им го честитаат Денот на рударите – 28 Август.

По повод празникот, за посветеноста на рударите кон нивната работа и во знак на благодарност за вложениот труд, сите 674 вработени добија парични награди, а на најдобрите 27 рудари од страна на менаџментот им беа врачени плакети и специјални парични награди за нивниот особен придонес помеѓу двата празника. На општините Радовиш и Конче, чествувајќи го Денот на рударите и потврдувајќи ја својата заложба за континуирана, конструктивна и колаборативна соработка во насока кон развој на заедниците,   рудниците доделија донација во висина од по 5.000 евра, кои општините ќе ги искористат за реализација на проекти од областа на културата и инфраструктурата. 

Оваа година е година на голем предизвик во работата на целата индустрија и економија во меѓународни рамки. Уште од почетокот на енергетската криза и порастот на цените, она што се исправи како најголем предизвик пред компаниите е издржаниот опстанок на пазарот. Поради новата ситуација, погодени од енормниот пораст на цената на електричната енергија, голем дел од компаниите во индустријата го стопираат производството поради нерентабилност и нестабилност. Но и во вакви моменти, рудниците Бучим и Боров Дол сепак ќе продолжат со веќе отпочнатиот инвестиционен циклус, што значително ќе придонесе во подобрувањето на перформансите на компанијата.  И покрај актуелните услови, инвеститорите и менаџментот на Бучим и Боров Дол посветено работеа на тоа да се најде решение како рудниците да продолжат да работат, при што донесено е одлука да се продолжи со реализирање на капиталните инвестиции и во наредниов период интензивно да се работи на модернизација на производниот процес во рудникот Бучим и отпочнување на инвестициско вложување во обновливи извори на енергија. 

За таа цел почнувајќи од 01 септември 2022 година, Бучим и Боров Дол ќе прекинат со процесот на производство на определен период во кој што е планирано да се завршат двата капитални инвестициони проекти, а имено:

• целосна замена на флотомашините со нова опрема, која што е дизајнирана и изработена од светски реномираната компанија Метсо Оутотек, со што рудникот Бучим ќе има најсофистицирана опрема за обработка на бакарна руда и производство на бакарен концентрат. Проектот за модернизација започна да се реализира уште од септември 2021 година, притоа, во наредниот период се очекува испораката на опремата;

• изградба на фотонапонска централа за производство на електрична енергија, со што ќе се постигне намалување на зависноста од цената на електричната енергија на отворениот пазар. Во текот на месец јануари, 2022 година, компанијата започна со реализација на активности во рамките на овој проект. 

За време на реализирањето на овие капитални инвестиции, ќе се продолжи со континуираните геолошки истражување, каде што до денешен ден се евидентирани дополнителни количини на руда кои што ќе го продолжат животниот век на рудниците за дополнителни 5 до 7 години. Исто така, несомнено е дека текот на привремениот застој, рудниците ќе се придржуваат и ќе ги исполнуваат своите обврски согласно издадените А-интегрирани еколошки дозволи‚ ќе се врши мониторинг, а воедно ќе се разгледуваат можности за унапредување на намалувањето на влијанието на рудниците врз животната средина.

Во текот на привремениот прекин со производство вработените  ќе бидат платени согласно законските прописи во РСМ, при што  дел од вработените ќе бидат задолжени за тековното одржување на опремата, а во текот на инвестиционите зафати, вработените ќе бидат дополнително ангажирани зависно од потребата.

Претстојниот период на привремениот застој, рудниците ќе го искористат за ефикасна и брза реализација на стратегиските одлуки во однос на инвестициските проекти.  Целта на компанијата е одговорно вложување во корист на сегашните и идните генерации, преку подобрување на производствените перформанси, подобрување на условите за работа на рударите и одржлив развој на заедниците и покрај опкружувањето полно со предизвици. Долгорочно гледано, овие инвестиции освен што ќе го продолжат социјалниот и економскиот развој на регионот и државата, ќе придонесат и за динамизирање на „зелениот” раст и развој, максимизација на производството и развој на одржливи работни места. 

Бучим ја потврдува својата заложба за унапредување на одржливот развој на локалната заедница преку поддршка на општината во инвестиции за реконструкција и изградба на локална патна инфраструктура.

На 22 јуни 2022 година, препознавајќи ги потреби на заедницата ДПТУ “Бучим” ДОО Радовиш и Општина Радовиш потпишаа договор за донација на 10.000 м3 тампон од дробен камен за поддршка на инфраструктурни проекти во Радовиш, во вредност од  околу 40.000 евра.

Во текот на претстојниот период, рудникот Бучим ќе овозможи на Општина Радовиш тампон од дробен камен наменет за реализација на инфраструктурни проекти во општината, со што ќе се овозможи изградба и доуредување на локалните улици за подобри услови и олеснета пристапност на жителите до нивните домови и  воедно ќе се придонесе за подобрување на комуникацијата помеѓу населените места, како и околните населени места во регионот, што е од посебно значење за жителите и развојот на општината. 

“Како партнери на локалната заедница, фокусирани сме кон обезбедување вредност за општеството и се залагаме за поддршка и реализација на проекти кои што се насочени кон подобрување на квалитетот на живеење на жителите на локалните заедници. Веруваме дека преку својата општествена одговорност може да придонесеме во подобрувањето, унапредувањето и во развојот на заедницата во која што делуваме. Преку поддршката на овој проект за реконструкција и изградба на локална патна инфраструктура ќе се овозможи поврзување на населените места во Радовиш, а со тоа ќе им се овозможи повисок и поквалитетен животен стандард на жителите, што во суштина значи и константно подобрување на условите за живот,” – изјави Олег Чусовитин, генерален директор на Бучим.

Радовиш, 04 март 2022 – Во врска со објавениот текст на интернет порталот www.pari.com.mk, со наслов „Топ 10 компании со руски капитал во Македонија – годишно прават приход од над 200 милиони евра “, во кој се објавува дезинформација, ДПТУ “Бучим” ДОО Радовиш во целост ги демантира изнесените наводи дека Друштвото е со руско потекло на капиталот.

Во интерес на вистината ДПТУ “Бучим” ДОО Радовиш има должност правилно да ја информира јавноста. Од 2005 година, рудникот за бакар Бучим е во сопственост на Солвеј инвестмент груп – приватна меѓународна компанија за рударство и производство на метали со седиште во Швајцарија, која што е во целосна сопственост и управувана од граѓани на ЕУ. Солвеј нема никаков руски капитал.

Како меѓународна компанија, Солвеј инвестмент груп е активна во многу јурисдикции, вклучувајќи ги Гватемала, Украина, Индонезија, Аргентина и Северна Македонија и вработува стручен кадар од целиот свет вклучувајќи и од Руската Федерација. Имено, како управители на ДПТУ “Бучим” ДОО Радовиш се јавуваат граѓани со државјанство од Руската Федерација, но тоа не значи дека е руска компанија. Руски капитал не е присутен во сопственичката структура на Бучим. 

Истовремено и покрај фактот што Солвеј имаше инвестициски и оперативни активности во Руската Федерација, групацијата денес ги прекина своите активности во Руската Федерација. Солвеј инвестмент груп ги осудува дејствијата преземени од руската влада против народот на Украина. 

Нашата служба за односи со јавноста не е воопшто контактирана, ниту телефонски, ниту на официјалната е-меил адреса на која може секој да не контактира. Со објавувањето на вакви неточни и информации се креира лажна слика за Друштвото. Ве замолуваме во иднина да ги контактирате официјалните лица кои Ви стојат на располагање. 

Со почит,

Бучим ДОО Радовиш

Радовиш, 28.01.2022г. – Врз основа на јавно искажаните обвинувања и паушалните наводи за загадување на вештачкото езеро-акумулација Мантово предизвикано од активностите на рудникот Боров Дол, во насока на правилно информирање ја информираме јавноста дека:

На 28-ми декември 2021 година, од страна на стручните екипи на рудникот, заедно со надлежните органи од  ДИЖС и професори од УГД – Штип,  земени се мостри од почвата и водата од брана Мантово и доставени до акредитирана лабораторија на детални испитувања. За време на теренскиот инспекциски надзор не е констатирано истек на води од рудникот во вештачкото езеро Мантово, како и прашина во воздухот.

Квалитетот на воздухот во околината на рудникот Боров Дол се следи на две мерни станици преку 24-часовни идикативни мерења на ПМ10 честичките и тоа на мерна локација Мантово и мерна локација Дамјан, при што во досегашното работење нема забележано надминување на граничните вредности за квалитет на воздухот. Податоците за следењето на квалитетот на воздухот во реално време се јавно достапни на следниов линк:http://coppermine.ugd.edu.mk/Station.aspx?Station=18 .

На 29-ти декември 2021 година, од страна на акредитирана лабораторија за животна средина, во присуство на надлежни органи од ДИЖС, повторно се земени мостри од водите на вештачкото езеро Мантово и доставени на лабораториски испитување за утврдување на квалитетот на водата. Воедно, земена е и мостра камен наталожен со сини и зелени честички, доставена на испитувања до Институтот за биологија при ПМФ – УКИМ.

Од извршените испитувања на доставените примероци од водата во брана Мантово, анализите покажуваат дека испитaните примероци не ги надминуваат граничните вредности, односно во водата во вештачкото езеро Мантово нема присуството на потенцијални штетни хемикали од активностите на рудникот Боров Дол. Интензивната измена на бојата на водата и последователното натрупување и обојување на брегот на брана Мантово се должи на масовен развиток на цијанобактерија или поточно вид на сино-зелена алга по името Aphanizomenon klebahnii. 

Земајќи го предвид стручното мислење од страна на Институтот за биологија, дека ваквата појава претставува закана за целиот екосистем, како и за луѓето кои ја користат акумулацијата Мантово за различни намени и дека се потребни понатамошни детални испитувања за откривање на причините кои ја предизвикуваат појавата на овие алги, рудникот Боров Дол на своја иницијатива ќе ги обезбеди истите, со цел утврдување на причината, како и поддршка на Општина Конче во решавање на  главните тековни еколошки проблеми со кои истата се соочува. Притоа, во соработка со Општина Конче, рудникот Боров Дол ќе организира и еколошка акција за чистење на крајбрежјето на брана Мантово, како и езерската викенд населба Мантово, за отстранување на отпадот и подобрување на состојбата во животната средина во околината.

“Се стремиме да осигуриме социјален, еколошки и економски развој во интерес на сегашните генерации кој ги зачувува вредностите за идните поколенија. Се однесуваме одговорно кон животната средина и општеството во кое што работиме.  Рудникот е изграден согласно современите најдобри технологии и во тековните активности  ги користиме најдобрите достапни техники и практики. Имаме воспоставено систем што ни овозможува постојано да ги следиме влијанијата врз животната средина и работиме во целосна усогласеност со сите законски норми и прописи за заштита на животната средина во РСМ.,” – изјави Ивица Карапетров,  в.д. генерален директор на Боров Дол.

Во прилог ги доставуваме и мислењата од Државен инспекторат за животна средина.

Линк до објавeн записник од ДИЖС од првиот извршен вонреден инспекциски надзор на брана Мантово:https://m.facebook.com/story.php?story_fbid=338996311402072&id=105140678120971

Линк до објавен записник од ДИЖС од вториот извршен вонреден инспекциски надзор на брана Мантово:https://m.facebook.com/story.php?story_fbid=339562208012149&id=105140678120971

Линк до објавен заклучок од ДИЖС од резултатите од извршените анализи:https://m.facebook.com/story.php?story_fbid=223557949967884&id=100069410400559

Глобалната иницијатива Creative Fellowship, покрената од европскиот инвеститор во радовишките рудници Бучим и Боров Дол, e во потрага по млади таленти кои сакаат да учествуваат во меѓународен музички перформанс. Иницијативата е насочена кон овозможување на можности за младата популација која што сака да го покаже својот талент.  

Solway Investment Group, во соработка со светски познатиот Салцбуршки фестивал шеста година по ред им овозможува на талентираните тинејџери од источниот регион да ги презентираат своите способности на меѓународна сцена. @creative.fellowship потворно објавува јавен повик за седумесечната програма #espyme. Младите жители на Радовиш, Конче и Штип, на возраст од 14 до 17 години кои што пројавуваат интерес кон цртање, фотографирање, снимање филмови, дизајнирање, танцување, пеење, свирење на инструменти или каков било друг уметнички талент, се поканети да аплицираат и да го пополнат формуларот за пријавување со линк до нивните отворени профили на социјалните мрежи и/или да споделат видео во времетраење од 90 секунди во кои што ги демонстрираат своите таленти. Крајниот рок за пријавување е 16 јануари, 2022 година на веб страница www.creativefellowship.org

Програмата @creative.fellowship се состои од два изборни кругови  и три партиципативни модули кои што имаат за цел да ги унапредат познавања на англискиот јазик на учесниците, да ги запознаат со основите на историјата на уметноста, да се запознаат со меѓународни уметници и да научат заеднички да создаваат уметнички проекти во соработка со останатите учесници од Гватемала и Украина. 

Во јануари 2022 година, по првиот изборен круг, вкупно петнаесет кандидати од Северна Македонија ќе бидат примени во финалниот круг на селекција. Двајца победнички финалисти од Северна Македонија, ќе добијат можност за бесплатно патување во Салцбург во јули 2022 година и ќе имаат можност да бидат дел од Салцбуршкиот фестивал во Австрија. 

Пријавете се на @creative.fellowship талент шоу. Краен рок за пријавувње 16 јануари, 2022 година. Возрасна граница од 14 до 17 години.

Во пресрет на новогодишните и божиќните празници, рудниците Боров Дол и Бучим донираа новогодишни пакетчиња, подароци и прехранбени пакети, со цел да придонесат кон разубавување на претстојните празници, да внесат радост кај  дечињата и жителите од локалните заедници.

Со донирање на 100 пакети со прехранбени производи во Општинската организација Црвен крст – Радовиш наменети за социјално загрозените семејства од општина Радовиш и општина Конче, рудниците Боров Дол и Бучим ги започнаа традиционалните новогодишни донации. Во текот на минатата и оваа недела директорите на Бучим и Боров ги посетија детските градинки во Радовиш и Конче, корисниците на Дневниот центар за лица со интелектуална попреченост Порака, најмладите надежни члeнови на борачкиот клуб Бучим и притоа ги израдуваа со новогодишни подароци. 

Доделувањето на новогодишни пакетчиња за дечињата на вработените веќе е долгогодишна традиција, а рудниците воедно донираа и новогодишни пакетчиња на Општинската организација Црвен крст – Радовиш наменети за намјалите членови од социјално ранливите семејства во Радовиш, на Здружението на турците за хуманитарни и културни активности Кудрет Јашам Дернеѓи, на Здружението на лица со телесен инвалидитет од Радовиш и Конче „Мобилност“, како и на децата на социјално ранливите семејства во Конче.

“Секоја детска насмевка претставува огромна радост. Во празничниот период се потрудивме да ги израдуваме дечињата, да им создадеме убави празнични мигови и да им помогнеме на семејствата од социјално ранливата категорија. Празниците се момент за нова надеж и нова верба дека ни претстои подобра и поуспешна година за сите нас,” изјави Ивица Карапетров, в.д. генерален директор на Боров Дол.

Имено, Бучим и Боров Дол, по традиција, во пресрет на новогодишните и божиќните празници, на најмалите членови на локланите заедници им доделуваат новогодишни пакетчиња. Така и годинава, повеќе од 1.000 новогодишни пакетчиња беа доделени, со цел да се предизвикаат многу детски насмевки и да се придонесе кон убави празнични моменти и спомени. 

“Празниците се момент кога си посакуваме многу здравје, многу радост и многу среќа во годината што доаѓа. Најголема и најважна е радоста и среќата на децата.  Со желба да им ги разубавиме празниците подарувајќи им новогодишни пакетчиња се потрудивме да придонесеме кон доловување на празничната атмосфера”, додаде Олег Чусовитин, генерален директор на Бучим.

Рудниците како и досега, така и во иднина ќе продолжат со реализација на хуманитарни и општествено одговорни активности, за подобрување и унапредување на животот на локалните заедници. Годинава, новогодишните донации беа заокружени со доделување на финансиски средства во висина од 5.000 евра на Дневниот центар за лица со интелектуална попреченост Порака, за уредување и унапредување на условите во објектот.