Posts in category: novosti

По повод одбележувањето на деведесет и осум годишнината на Стопанската комора на Македонија, на 19.02.2020 година, беа доделени награди и признанија на компании-членки кои со своите активности ја обележаа 2019 година и кои долги години придонесуваат за коморското работење и за развојот на македонското стопанство.

На одбележувањето на 98-та годишнина од постоењето на Комората, рудникот Бучим беше одликуван со „Награда за долгогодишна активна членка на Стопанската комора на Македонија“. Наградата, која претставува официјално признание на бизнис заедницата за придонесот на рудникот Бучим кон развојот на македонското стопанство, му беше врачена на заменик генералниот директор на Бучим ДОО Радовиш, г-дин Николјачо Николов.

“Рудникот Бучим постојано се труди и прави напори преку своите инвестиции и активности да допридонесува за развојот на македонското стопанство. Афирмацијата за работењето и придонесот на рудникот, од страна на бизинс заедницата, нам ни дава уште поголем поттик за понатамошно работење, инвестирање и подобрување на македонската економија.” истакна Николајчо Николов, заменик генералeн директор на Бучим ДОО Радовиш.

Рудникот Бучим, како долгогодишна членка на Стопанската комора на Македонија, активно е вклучен во работата на Македоснката асоцијација на рударството – МАР, како и во работата на органите на Комората.

Настанот се одржа во просториите на Стопанската комора на Македонија во Скопје, во присуство на претставници на стопанството, претставници на државните институции и на дипломатскиот кор.

Салцбуршкиот фестивал во 2020 година ја одбележува првата сезона во која стипендиската програма на Бучим и Солвеј – Solway Creative Fellowship, е вклучена во новата програма на фестивалот – Jung&jede*r, која минатата недела беше номинирана за FEDORA образовна награда.

Стипендиската програма – Solway Creative Fellowship е воведна во 2016 година, кога матичната компанија на рудникот Бучим – Solway Investment Group влезе во партнерство со Салцбуршкиот фестивал и стана официјален спонзор на оперските кампови за деца и млади во Салцбург.

Во текот на изминатите години, од 2016 година, над 60 млади талентирани ученици од Радовиш и Конче учествуваа во образовната стипендиска програма на Солвеј. Секоја есен, рудникот Бучим објавува јавен повик за млади таленти, кои би сакале да продолжат да ги развиваат своите таленти, да учат англиски јазик и да бидат дел од меѓународен оперски камп, каде заедно со деца од целиот свет изведуваат оперска претстава. Стипендиската програмата Solway Creative Fellowship е насочена кон поддршка и проширување на идните перспективи на младите талентирани деца со интегрирање на нивните национални културни искуства во меѓународен контекст.

Минатата недела, Европската културна и филантропска мрежа, FEDORA, објави дека програмата на Салцбушкиот фестивал – Jung&jede*r, е влезена во потесен избор за FEDORA образовна награда – признание за креативен и иновативен проект кој истовремено ја поттикнува и социјалната интеграција помеѓу учесниците.

„Воодушевени сме што програмата во која индиректно е вклучен Бучим, е номинирана за образована награда. Поддршката на проект кој е признат на пан-европско ниво докажува дека Бучим е на вистинскиот пат во неговите напори да влијае позитивно на одржливиот развој на локалните заедници во кои работи компанијата.” – изјави Никоjачо Николов, заменик генерален директор на Бучим ДОО Радовиш.

За FEDORA

FEDORA е Европска културна и филантропска мрежа и иницијатива, избрана од страна Европската комисија која е поддржана од финансиската програма “Креативна Европа“. Ова финансирање и овозможи на иницијатива да отвори Европска платформа која поддржува уметнички иновации во операта и балетот преку приватно финансирани награди. Наградите на FEDORA се признание за новите таленти и идеи во операта и балетот кои ќе ја обликуваат иднината на овие уметнички форми.

Како дел од програмата за стипендирање на млади таленти за музичкиот камп воведена од матичната компанија на Бучим, Солвеј Инвестмент Груп во соработка со светски познатиот Салцбуршки фестивал, рудникот продолжува со поддршката на млади креативни жители на Радовиш и Конче.

Вложувањето во заедницата и нејзините граѓани, е една од главните цели на компанијата. Општествено одговорните иницијативи на Бучим се насочени кон подобрување на животот на луѓето кои живеат во заедниците во кои рудникот работи. Ние помагаме во многу различни области од животот, вклучително и образованието и развојот на младите, културата, спортот и уметноста.

Друга важна цел на социјалните активности на Бучим, е да ги негува наредните генерации на креативни таленти. Ова го правиме со создавање на контакт помеѓу новите таленти и реномирани меѓународни институции за култура, а вооедно и ги поттикнуваме и спонзорираме со учество во меѓународната програма на Солвеј за стипендии на музичкиот камп.

Десетгодишната радовишанка Јана Јованова, е премлада за да учествува во стипендиската програма, но сепак зад себе бележи бројни меѓународни успеси иако само три години свири на пијано. Таа има многубројни настапи, први награди, специјални награди и титула лауреат на државни и меѓународни натпревари, меѓу кои и на меѓународниот натпревар Антонио Вивалди во Виена. Досега има добиено над 20 први награди, а воедно е и најмладиот уметник досега кој се здбоил со “Шестоноемвриско признание” со златна плакета за посебни достигнувања во областа на културата и уметноста и афирмација на општина Радовиш.

Во изминатите години, рудникот Бучим и потпомогна за нејзините учества на неколку меѓународни натпревари, на кои младата пијанистка со својата изведба го докажа својот потенцијал. Оваа година, Бучим и обезбеди дигитално пијано, кое ќе и овозможи на Јана да продолжи да вежба и да се движи напред кон своето музичко патување.

„Поддржувајќи ги младите и амбициозни таленти во нашите локални заедници, ја стимулираме нивната способност за напредок и да послужат како пример за другите. Јана е пример за музички надарен млад човек со огромен потенцијал да стане реномиран уметник. Драго ни е  што имаме можност да и обезбедиме соодветен инструмент и да одиграме барем мала улога во исполнувањето на сонот на една исклучителна млада талентирана личност.“- истакна Николајчо Николов, заменик генерален директор на Бучим ДОО Радовиш.

Во пресрет на новогодишните и божиќните празници рудникот Бучим им ги честиташе претстојните празници на најмалите со пригодни новогодишни пакетчиња.

Грижата за општеството и за заедницата отсекогаш се биле дел од фокусот на компанијата. Во текот на целата година рудникот активно спроведуваше голем број на општествено одговорни практики и донации, но како и секоја година, со особено задоволство годината ја завршува со доделување на над илјада новогодишни пакетчиња.

Во последната недела од годината и оваа година, традиционално рудникот Бучим подарува новогодишни пакетчиња на дечињата од детската градинка “Ацо Караманов”, на децата на вработените во рудникот Бучим, на децата во домот за згрижување на деца без родители Емануел и на корисниците на дневниот центар за лица со интелектуална попреченост Порака. Рудникот Бучим исто така додели и новогодишни пакетчиња на Општинската организација Црвен крст – Радовиш и на Здружението на турците за хуманитарни и културни активности Кудрет Јашам Дернеѓи за децата од социјално загрозени семејства од општина Радовиш и општина Конче.

“Празниците се одлична прилика да создадеме повеќе радост и незаборавни моменти за секој од нас. Ова е наша традиционална новогодишна активност која со задоволство ќе ја продолжиме и се надеваме дека и во иднина ќе успеваме да придонесуваме за детската радост во овој период од годината.” –  Никoлајчо Николов, заменик генерален дирeктор на Бучим

Рудникот Бучим како одговорен работодавач, континуирано обезбедува соодветни обуки  за стручно усовршување на своите вработени во областа на безбедноста и здравјето при работа, со цел да им ги прошири знаењата и вештините за подобро и побезбедно работење кое доведува до тоа да се подобри состојбата на вработените преку намалување на повредите и несреќите на работното место.

За таа цел, минатата недела во просториите на рудникот Бучим, во организација на ТЕХНОЛАБ Скопје, се одржа обука на тема:Употреба на лична заштитна опрема на работни места изложени на хемиски штетности. На оваа обука земаа учество 25 стручни лица од работните единици на Бучим и 10 надворешни заинтересирани стручни лица за БЗР.

Преку изложување на практични примери и активно учество на учесниците на обуката, на стручните лица им беше овозможено запознавање со опасностите и штетностите кои произлегуваат од работните места изложени на хемиски штетности, ризиците со кои можат да се соочат вработените како и мерките кои се применети и треба да се применуваат за безбедно извршување на задачите.

Безбедноста и здравјето при работа има значајно место во работењето на рудникот и затоа Бучим се стреми кон вопоставување на модерни, функционални и усогласени системи за безбедност и здравје при работа. Образованието и обуката на вработените од областа на безбедност и здравје при работа се едни од најважните фактори за безбедност и здравје при работа. Рудникот Бучим се  стреми да обезбеди што е можно повеќе информации и знаења за своите вработени. Колку е поголема општата свест, толку е помал ризикот од повреди при работа. Обуките овозможуваат да се подигне способноста за соодветно постапување во дадена ситуација на повиско ниво. Секој вработен треба да ги знае основните правила за заштита и истите се стекнуваат со постојаното залагање и вложување од областа на безбедност и здравје при работа.

 “Бучим е компанија која го следи и почитува законот за Безбедност и здравје при работа. Ние постојано вложуваме во здравјето и безбедноста на своите вработени и работиме на креирање на превентивна култура за елиминирање и справување со ризиците по безбедноста и здравјето на работниците. Во таа насока, едукацијата е неопходна. Преку едукацијата и размената на искуства се зајакнува и способноста за соодветно и безбедно работење и токму затоа ние посветуваме посебно внимание за обука и доусовршување на нашите вработени. ” истакна Николајчо Николов, заменик генерален директор на Бучим

Новиот рудник за бакар „Боров Дол“ продолжува со инвестициите според планот.  

Сите подготвителни работи за изградба на транспортната трака се завршени, а подготвителните работи за постројката за примарно дробење и инвестициската раскривка се во завршна фаза.

Одобрена е втората транша од инвестицискиот кредит од Комерцијална банка АД Скопје во износ од 5,5 милиони евра и беше искористена за финансирање на изградба на транспортната трака, изработка на опрема за примарно дробење и инвестициска раскривка. Вкупната цена на проектот изнесува 60 милиони евра, а изградбата на објектите ќе започне во 2020 година.

Според планот, Боров Дол треба да започне со работа во септември 2020 година. Во текот на предвидениот животен век, моментално проценет на 10 години, се очекува Боров Дол годишно да произведува приближно 4,5 милиони тони бакарна руда.

Проектот Боров Дол го наследува 40-годишниот рудник Бучим, кој моментално е во завршен процес. Градежните и оперативните планови обезбедуваат минимално влијание врз животната средина врз соседните региони и взаемна корист на вработените, инвеститорите и жителите на општините Конче, Радовиш и Штип.

За да се минимизира влијанието врз животната средина, Боров Дол ќе ги користи веќе постоечките постројки на Бучим за преработка и складирање на руда, а ископаната руда ќе се транспортира преку покриена транспортна трака долга 7 км. Ваквото современо инженерско решение за транспорт на руда, го контролира ширењето на прашина и го сведува загадувањето на воздухот на минимум. Со новиот рудник се зачувуваат работните места на повеќето вработени во рудникот Бучим, а исто така се создаваат и нови можности за жителите на општина Конче, на која што и припаѓа поголемиот дел од концесијата за рудникот Боров Дол.

„Нашата цел е да воспоставиме одржлив развој на Боров Дол, посветувајки се на еколошките, социјалните и безбедностите стандарти, со што ќе придонесеме за позитивен развој на рударството во регионот.‘“ – Павел Кривинскиј, Управител на Боров Дол

Како општетствено одговорна компанија, рудникот Бучим, ги поддржува своите локални заедници и е посветен на тоа да влијае позитивно во заедниците каде што работи.  Целосно поддржан од  својата матична меѓународна компанија – Солвеј Инвестмент Груп, рудникот успева да постигне силни позитивни ефекти во општеството и е горд  на резултатите кои се добиваат со ваквата работа.  

На 28 Август, Денот на македонските рудари, а воедно и денот во кој што рудникот Бучим ги одбележа своите два значајни јубилеи – 40 години од своето постење и 15 години дел од Солвеј Инвестмент Груп, рудникот Бучим на општините  Радовиш, Штип и Конче им подари вредносни ваучери кои тие ги искористија за решавање на некои од потребите на општините.

Еден од ваучерите им обезбеди затоплување на 80 дечиња. Клонот “Пчелка”, во состав на детската градинка “Вера Циривири Трена” во Штип, со донацијата од рудникот ќе има нов систем за греење на пeлети, кој беше долгогодишен проблем на градинката во Штип.

Општина Радовиш го искористи ваучерот за опремување на занималните со потребниот инвертар во детската градинка “Ацо Караманов” во Радовиш и за набавка на  мултимедијална технологија за остварување на образовните цели на основното училиште “Коста Рацин” во с. Подареш, Радовиш, со што во училиштето се придонесе за подобрување на квалитетот на образовната настава.

Општина Конче набави комунална механизација за подобрувње на капацитетот на општинското јавно претпријатие и квалитетот на јавните услугите и за одржување на инфраструктурата и подобрување на хигиената во општината. Групацијата Солвеј Инвестмент Груп преку своите активности е насочен кон поддршка за развивање и подобрување на општините во кои што што работи.

Како дел од својата политика за одржливост и програмата за поддршка и унапредување на науката, рудникот Бучим и оваа година е помеѓу основните спонзори на дванаесетото стручно советување со меѓународно учество од областа на подземната и површинската експлоатација на минерални суровини (ПОДЕКС – ПОВЕКС ‘19).

Настанот е во организација на Здружението на рударски и геолошки инженери на Македонија и Универзитетот “Гоце Делчев” – Штип преку Факултетот за природни и технички науки и ќе се одржи од 1 до 3 ноември 2019 година во Струмица.

На конференцијата ќе бидат презентирани новите техничко – технолошки достигнувања и остварените производни резултати во подземната и површинската експлоатација на корисни минерални суровини, ќе биде направен реален пресек на состојбите во подземните рудници за  производство на олово и цинк и други минерални суровини и реален пресек на состојбите во површинските рудници за производство на бакар и други металични и неметалични минерални суровини, ќе бидат дадени основните насоки и перспективи за понатамошен развој на технологиите за подземно и површинско откопување на минералните суровини.

Претставници на рударството и геологијата од Северна Македонија, Бугарија, Србија но и од други држави, ќе дискутираат и ќе разменуваат научно практични информации, мислења и искуства за развој на рударскиот сектор.

Со одржувањето на вакви стручни собири од областа на рударството и геологијата се  дава можност за размена на знаења и стекнати искуства во процесот на подземна и површинска експлоатација на минерални суровини, кое може да вроди со придонес за заклучоци и идеи за понатамошни активности за разрешување на одредени актуелни проблеми во подземната и површинската експлоатација, како и за понатамошен развој на рударско – геолошката дејност во Република Северна Македонија и регионот.

“Да се биде општествено одговорна компанија значи да се биде свесен дека покрај за сопствениот развој, треба да се води сметка и за развојот на целиот рударски сектор. Ова е принципот по кој се раководи нашата компанија и затоа во рамките на своите можности секоја година одвојуваме финансиски средства за реализација на ваквите респектабилни научни собири. Преку размена на искуства и пренесување на знаења, ние континуирано  треба да ја унапредуваме струката, воспоставувајќи нови, повисоки стандарди во духот на времето во кое живееме и работиме, и предизвиците со кои се соочуваме.“ изјави Николајчо Николов,  заменик генерален директор на Бучим.

24.10.2019

Денеска, рудникот за бакар Бучим, како пример на добра практика на совесен и одговорен работодавач што се грижи за безбедноста и здравјето на своите вработени и обезбедува достоинство и хуманост во работните односи, во областа на безбедноста и здравјето при работа, одржа презентација на добра пракса  на настанот огранизиран по повод одбележувањето на Европската недела за безбедност и здравје при работа.

Секоја година, 43-тата недела во годината, од страна на Европската агенција за безбедност и здравје при работа (EU-OSHA) е одредена како Европска недела на безбедност и здравје при работа. Во рамките на нејзиното одбележување Министерството за труд и социјална политика во соработка со Националниот совет за безбедност и здравје при работа, организираше средба во Клуб на пратеници, Скопје, на која рудникот за бакар Бучим ДОО Радовиш изнесе презентација на својата пракса за безбедност и заштита при работа воспоставена во компанијата на тема: “Управување со опасни супстанции на работно место.”

Рудникот Бучим е меѓу првите компании во Северна Македонија која поседува меѓународен сертификат за систем за управување со безбедност и здравје при работа ISO 45001:2018.

Како компанија која континуирано вложува во здравјето и безбедноста на своите вработени и работи на креирање на превентивна култура за елиминирање и справување со ризиците по безбедноста и здравјето на работниците, рудникот Бучим од страна на Министерството за труд и социјална политика, како компанија која ги следи и почитува европските политики во областа на безбедноста и професионалното здравје, беше поканет да ја изнесе својата пракса на БЗР со која ќе придонесе во подигнувањето на свеста за присуството на опасни супстанции на работните места, за ризиците по животот и здравјето на работниците предизвикани од изложувањето на опасни супстанции на работното место и за тоа на кој начин треба да се управува со опасните супстанции со цел да се избегнат или минимизираат ризиците.

“Се надеваме дека со споделување на нашата практика ќе дадеме реален придонес кон создавање на модерен и современ систем за безбедност и здравје на работа во Република Северна Македонија и тоа треба да го направиме не заради вклученост во европски ориентирани кампањи, туку едноставно затоа што нашите работници заслужуваат достоинствени и безбедни услови за работа, а ние како работодавачи сме должни тоа да им го овозможиме. Имајќи во предвид дека образованието во областа на безбедност и здравје при работа е клучот во постигнување на прогрес за унапредување на условите во работната средина и превенцијата на професионалните болести и повреди на работа, ние како компанија постојано вложуваме во обуки на нашите вработени.” –  Николајчо Николов, заменик генерален директор на Бучим ДОО Радовиш

Бучим ДОО Радовиш го поддржува Меѓународниот симпозиум „Рударство и археологија“

Како дел од својата политика за одржливост и програмата за зачувување на културното наследство Бучим ДОО Радовиш целосно го поддржува меѓународниот симпозиум од областа на археологија и рударство. Настанот е во организација на НУ Завод за заштита на спомениците на културата и Музеј-Штип и ќе се одржи од 12 – 15 септември 2019 година во Штип.

Во текот на тридневниот меѓународниот симпозиум, педесет и осум автори од Северна Македонија, Бугарија, Србија, Црна Гора, Босна и Херцеговина, Хрватска, Австрија, Германија и Велика Британија ќе презентираат 28 научни трудови за резултатите од најновите археолошки истражувања за рударство и металургија од периодот на најраната праисторија, па се до османскиот период на територијата од Балканскиот полуостров.

Со овој меѓународен симпозиум се заокружува осумгодишната соработка помеѓу НУ Завод за заштита на споменците на културата и Музеј-Штип и рудникот Бучим за заштита и зачувување на историското и клутурното наследство во регионот.

Поддржаните интердисциплинарни истражувања за појавата и почетокот на металургијата во праисториските култури се први од ваков вид во историјата на Северна Македонија, а започнаа уште во 2011 година кога за прв пат се спроведоа заштитни археолошки ископувања на просторот на кој што ќе се отвори новото рудно тело  Боров Дол. Во текот на годините извршени се археолошки истражувања на локалитетите Боров Дол, Марчево и Тополничка река. Од арехолошките истражувања се пронајдени елементи кои укажуваат дека овој простор бил рударски и металургиски центар уште од времето на доцниот бронзен период и раното железно време.

Резултатите од ова интердисциплинарно истражување (2011-2018година) нудат недвосмислени и директни докази, за постоењето на развиена екстрактивна металургија во текот на доцното бронзено и почетокот на железното време во овој регион. Наодите од ова истражување се и основа за пошироки истражувања кои ќе дадат значаен придонес во научно-истражувачката дејност на археолошкото културно наследство.

Артефактите пронајдени за време на недомнешните ископувања ќе бидат изложени во Уметничката галерија “Безистен” – Штип, како дел од изложбата “Боров Дол 2011-218 година“ во чест на официјалното отварање на Меѓународниот симпозиум од областа на арехологијата на тема “Рударство и Археологија“.

Николајчо Николов, заменик генерален директор на Бучим: „Рударството и металургијата отсекогаш биле важен технолошки и економски дел од развојот на човештвото. Денес е една од основачките индустрии во модерната економија на Северна Македонија. За да развиваме здрави бизниси, a притоа истовремено да го зачуваме и наследството и да ја заштитиме животната средина, мора да ги истражуваме и научиме лекциите од минатото. Среќни сме што имавме можност да бидеме дел од ова историско истражување кое поставува основи за понатамошни научни студии. Се надеваме дека ќе имаме и други прилики за вакви собири од областа на рударство и археологија, кои со задоволство ќе продолжиме да ги подржуваме.”